قلبي اللي من عرفتك ما استراح...

قلبي اللي من عرفتك ما استراح=ماهدى باله ولافاد جهده
كل يومٍ يعتزي ليل وصباح=والزمان الشين قبله وبعده
مكسبه من مزهبه نقل السلاح=كن فالاصحاب شخص يهدده
احسب ان همه مع الايام زاح=واثره مع الوقت جدد موعده
يدفع الزله بعزمه والكفاح=قبل يسمح ويتغرب فبلده
لو يبيح السر سرك مايباح=ولو تشح الناس ماتقصر يده
ياحبيبي منك يكقينا جراح=اطرب الخاطر وحقق مقصده
التكاتف فالهوى سر النجاح=لاتزيد الصد وانت تحدده
كم حبيبٍ من غلا العينين طاح=وكم كريمٍ فعل نفسه جرده
افهم المقصود ياظبي البراح=ضم قلبي في يدينك واسعده
ياحبيبٍ علق الهاوي وراح=والله ان قلبي يحبك!!!وانشده

خالد بن ذياب

الرائع خالد الدغيلبي
صح لسانك مدد بلاعدد ويسعدني ان اكون اول
من يصافح هذه الابيات الرائعه
دمت بخير وتقبل خالص الود وارق التحايا

الله عليك شاعرنا المميز ابو ذياب

بيض الله وجهك وصح لسانك حتى ترضا

جزله من راس جزل

لاخلينا منك وتقبل خالص تحيااتي

خالد الدغيبلي

صح الله لسانك
وعلآ ربي شآنك

قصيدة قمة الروعة والجمال
يسلم لنا نبض قلبك
وإحساسك الراقي

كُن بخير

صح بدنك ياعبدالرحمن العتيبي ولاهنت على المرور والاطراء الجميل...تحياتي لك

صح بدنك ياعلي السلمي ولاهنت على المرور والاطراء الجميل...تحياتي لك

صح بدنك اخوي خالد
وجزله من شاعر جزل
تقبل مروري وتحياتي
اخوك